के तपाईं आफ्नो यात्रामा आफूले पालेको कुकुर तथा बिरोलो लगायतका घरपालुवा जनावरलाई आफू सँगै जहाजमा राखेर यात्रा गर्न चाहनुहुन्छ ?
त्यसो हो भने अब श्री एयरलायन्सले यस्तो सेवा सुरू गरेको छ । जसमा तपाईंले पालेको कुकुर वा विरालोलाई आफू सँगै जहाजमा राखेर यात्रा गराउने भएको छ ।
श्री एयरलायन्सले यात्रीको सहजता र आवश्यकतालाई मध्यनजर गर्दै यस्तो उडान सुरू गरेको एयरलायन्सका प्रवक्ता अनिल मानन्धरले जानकारी दिए ।
उनका अनुसार, यात्रुले यसका लागि सुरूमा आफ्नो जनावरको भेटेनरी डक्टरबाट चेकजाँच गरी फिट टु फ्लाइट र क्वारेन्टाइन सर्टिफिकेट लिनुपर्नेछ ।
त्यसपछि विमानस्थलमा आवश्यक शुल्क तिरेर जहाजमा घरपालुवा जनावरलाई श्री एयरलायन्सको जहाजमा लैजान सकिनेछ । यसको टिकट शुल्क केही बढी पर्नेछ ।
