हिमाल आरोहण संचालन तथा ब्यबस्थापन गर्ने व्यवसायी हरुको छाता संगठन ” पर्बतारोहण संचालक संघ नेपाल ” को महासचिव पदमा ऋषि राम भण्डारी निर्वाचित भएका छन।
संघ काे १५ औ वार्षिक साधरण सभा तथा अधिवेशन बाट डम्बर पराजुलीको नेतृत्वमा नयाँ कार्यसमितिको चयन भएको हो।
संस्थाको महासचिव पदमा निर्वाचित भइ चुनौतीपूर्ण जिम्मेवारी सुम्पिएकोमा र यस टोलिलाई बिश्वास गरेर कर्यसमितिमा पठाउन भुमिका खेल्ने सबैमा भण्डारीले धन्यवाद ज्ञापन गरेका छन।
” यी पात्रले मैले भन्दा पनि मेरो ब्यबसायी हितमा काम गर्छन भनि विश्वास गरि जिम्मेवारी सुम्पनु हुने सम्पूर्ण पर्बतारोहण संचालक संघ नेपालका सदस्य ब्यबसायी मित्रहरुमा हार्दिक धन्यवाद सहित आभार ब्यक्त गर्न चाहन्छु ” उनले लेखेका छन।
आफ्नो क्षमताले भ्याए सम्म देश र ब्यबसायीको हितमा पहलकदमी गर्न कुनै कसर बाकी नराख्ने समेत उनले प्रतिबद्दता ब्यक्त गरेका छन। “ब्यवसायिहरुको हरेक समस्यामा ब्यवसायी हरुसंग हुने र संस्था तथा देशको हित बाहेक अन्य कुनै व्यक्तिगत स्वार्थ नरहने पुन प्रष्ट पार्दछु” उनी थप्छन।
ब्यवसायी भण्डारी लामो समयदेखी पर्वतारोहण क्षेत्रमा आबद्ध रहेर काम गरिरहेका छन भने उनको संस्था उत्कृष्ट संस्थाको उपाधी बाट सम्मानित पनि बनिसकेको छ।
