पाक–कला विधामा देशकै पहिलो टिभी रियालिटी शो – सेफ नेपालको सुटिङ शुरु भएको छ । शो का निर्माता धर्मराज पाण्डे का साथ सेफ सन्तोष शाह, सेफ गणेश ढकाल र भान्से लक्ष्मण भण्डारी सहितले जनकपुर धाम स्थित जानकी मन्दिरको आशिर्वाद लिएर सुटिङको शुभारम्भ गरेका छन ।
सेफहरुको इन्ट्रो भिडियो खिच्ने क्रममा मस्टराजज सेफ सन्तोष शाह तथा अन्य सेफहरु सहितको बिभिन्न फुटेजरुको छायाँकन कार्य सहित सुटिङ कार्यको सुरुयात भएको छ । साथै प्री–अडिसनबाट छनोट हुनु भएका प्रतियोगिहरुको ओरिएन्टेसन र भिडियो कभरेज पनी थालिएको छ । ओरिएन्टेसन सँग–सँगै लाईभ अडिसन को सुटिङ समेत अघी बढ्ने छ भने चैत्र महिना देखी शो प्रशारणमा आउने छ ।
गत पौषमा सेफ नेपालको शुटिङ सेट रिभिल भएको थियो । शो को निर्माण कार्य भनिएको भन्दा ढिला भएको छ । नेपाल मै पहिलो पटक पाक–कला विधामा टेलिभिजनमा यस्तो शो बनाउन लगेको र अहिले को प रिस्थितिमा प्रायोजक हरु जुटाउन समेत कठिन भएकोले निर्धारित भन्दा धेरै समय लागेको हो ।
शो जम्मा १८ इपिसोडको हुने छ । १०० प्रतिस्पर्धिहरु शो मा प्रतिस्पर्धा गर्ने छन । यस शो का बिजेताले नगद रु २५ लाख प्राप्त गर्नेछन भने रु १० लाख भन्दा बढीको उपहार दर्शकहरुले यस शो को क्विज सेग्मेन्ट मार्फत प्राप्त गर्ने छन ।
शो ले भर्पुर मनोरन्जन, नेपाली खाना बारे ज्ञान, नयाँ नयाँ खानाको परिकार, खाना पस्कने नयाँ कला लगाएत धेरै बिषयलाई समेट्ने छ । नेपालको गेस्ट्रोनोमि टुरिजममा समेत यो कार्यक्रमले टेवा पुर्याउने छ ।
नेपालमै पहिलोपटक फुड रियालिटी शो आयोजना हुँदै, उत्कृष्ट ‘सेफ’लाई २५ लाख पुरस्कार
