सगरमाथामा तीन जना शेर्पा आरोही बेपत्ता भएका छन् ।
उनीहरु सगरमाथा बेस क्याम्पबाट क्याम्प वानको बीचमा बुधबार बिहान साढे ९ बजेदेखि हराइरहेको पर्यटन विभागका निर्देशक युवराज खतिवडाले टुरजमपानालाई जानकारी दिए ।
हराइरहेका आरोहीमा दा छिरी शेर्पा, लाक्पा टेण्डी शेर्पा र लाक्पा रिता शेर्पा रहेका छन् । अहिले सिम्रिक एयरको हेलिकप्टरमार्फत उनीहरुको खोजी कार्य भइरहेपनि सफल हुन नसकेको खतिवडाले बताए ।
बेपत्ता आरोहीहरु इम्याजिन नेपाल नामक संस्थाबाट आरोहणमा पुगेका थिए ।
