आज मङ्गलबारदेखि यति एयरलाइन्सले भैरहवा–पोखरा–भैरहवा उडान गर्दैछ । यतिले यो गन्तव्यमा दैनिक उडान गर्न लागेको हो ।
भैरहवा–पोखराको उडान समय ११:०५ बजे र पोखरा–भैरहवाको उडान समय ११:४५ बजे रहेको छ ।
हाललाई एकतर्फी हवाई भाडा दुई हजार पाँच सय रहेको एयरलाइन्सले जनाएको छ।
गौतमबुद्ध अन्तर्राष्ट्रिय विमानस्थलमा यात्रुको संख्या वृद्धि गर्न टेवा पुर्याउने उद्देश्यले भैरहवा–पोखरा प्रत्यक्ष उडान सुरू गरेको कम्पनीको भनाइ छ ।
