नुवाकोट हेलिकप्टर दुर्घटना अपडेट : पाँच जनाको नुवाकोटको शिवपुरीमा एयर डाइनेस्टीको हेलिकप्टर दुर्घटना हुँदा पाँच जनाको मृत्यु भएको छ । मृत्यु हुनेमा चार पुरुष र एक महिला रहेका छन् ।
नुवाकोटका प्रहरी उपरीक्षक शान्तिराज कोइरालाका अनुसार शिवपुरी गाउँपालिका–७ शिवपुरी जङ्गलको सूर्यचौर क्षेत्रमा हेलिकप्टर दुर्घटना भएको हो । “घटनास्थलमा केही सुरक्षाकर्मी र स्थानीयवासी पुगेका छन् । उनीहरुले हेलिकप्टरमा लागेको आगो निभाइरहेका छन्”, उनले भने । दुर्घटनाबारे विस्तृत विवरण आउन बाँकी रहेको उनको भनाइ छ ।
जंगलमा भएको दुर्घटनामा हेलिकप्टर जलेको र शुरक्षाकर्मीले डेढ बडि (मृत शरीर)हरु निकालेको स्थानीय प्रत्यक्षदर्शी हरिराज पन्थले जानकारी दिए ।
