आगामी मंसिर ४ गते प्रतिनिधि तथा प्रदेश सभा निर्वाचनका लागि बिहिबारदेखि हुने सिमा नाका बन्दले पर्यटकहरू प्रभावित हुने भएका छन् ।
निर्वाचनका लागि बिहिबार रातीदेखि ७२ घण्टा बन्द गर्ने निर्णयले भारतबाट नेपाल आउने पर्यटक र नेपालबाट भारत जाने पर्यटकहरू प्रभावित हुने भएका हुन् ।
विरामी र इमर्जेन्सी परेकाहरूकाे खण्डमा आवतजावतलाइ सहजीकरण गरेपनि अन्यकाे हकमा बन्द हुने दार्चुलाकी सहायक प्रमुख जिल्ला अधिकारी हेमन्ती साउदले बताईन् ।
उनका अनुसार पर्यटकका लागि कुनै विशेष निर्देशन नआएकाे भएपनि अत्यावश्यक अवस्थामा पर्यटककाे कामकाे प्रकृति हेरेर सहजीकरण गर्न सकिनेछ ।
