नेपाल आइडल सिजन –५ का विजेता करण परियारलाई प्रधानमन्त्री पुष्पकमल दाहाल ‘प्रचण्ड’ ले बधाई दिएका छन् ।
बुधबार बिहान प्रधानमन्त्री निवास बालुवाटारमा विजेता करणलाई बोलाएर प्रधानमन्त्री प्रचण्डले बधाई दिँदै गितार उपहार दिएको प्रधानमन्त्रीको सचिवालयले जानकारी दिएको छ ।
उक्त बधाई ज्ञापन गर्दै प्रधानमन्त्रीले खेल र संगीतका खास खास इभेन्ट आफूले हेर्ने गरेको बताउँदै युवा पुस्ताका हरेक सुख दुखमा आफू साथमै रहेको बताए ।
सो अवसरमा प्रधानमन्त्री दाहालले बधाइ दिँदै विजेता करणको सांगीतिक क्षेत्रमा निकै राम्रो सम्भावना र भविष्य भएकाले निरन्तर साधनामार्फत् देशकै प्रतिष्ठा बढाउन मेहनत गर्ने विश्वास व्यक्त गरेका थिए ।
