नेपाल एशोसिएसन फर ट्राभल्स एण्ड टुर्स एजेन्ट्स (नाट्टा) ले नयाँ नेतृत्व पाएको छ ।
२ वर्षे कार्यकालको लागि शुक्रबार भएको निर्वाचनले कुमार मणि थपलियाको नेतृत्वमा १४ सदस्यीय नयाँ कार्यसमिति चयन गरेको छ ।
नाट्टाको वरिष्ठ उपाध्यक्षमा जिस्वा तुलाधर निर्वाचित भएका छन् । यस्तै उपाध्यक्षमा घनश्याम घिमिरे, महासचिवमा युविका भण्डारी निर्वाचित भएका छन् ।
यस्तै सचिवमा बिष्णु पान्डे, कोषाध्यक्षमा सुरेश अम्गाई र सहकोषाध्यक्षमा ढकनाथ काफ्ले निर्वाचित भएका छन् ।
नाट्टाको सदस्यहरमा श्रद्धा जोशी,सुदर्शन पौडेल, विदुर खतिवडा, कृष्णप्रसाद ढकाल, रामशोभित नायक, विजय रिजाल, रमा प्याकुरेल, कृष्ण ढकाल निर्वाचित भएका छन् ।
