पाँचतारे होटल सांग्रिलाका अध्यक्ष श्यामबहादुर पाण्डेको निधन भएको छ।
सोमबार बिहान उनकाे निधन भएको पारिवारिक स्रोतले बताएको हो। उनी लामो समयदेखि बिरामी थिए । होटल एसोसिएसन अफ नेपाल (हान)का पूर्व अध्यक्ष समेत रहेका पाण्डे पर्यटन क्षेत्रका पायोनियर मानिन्छन्।
उनको जन्म सन् १९३६ अक्टोबर १२ मा सैन्य परिवार काठमाडौँमा भएको थियो । उनले पर्यटन विकास र प्रवर्द्धन गर्न निकै सक्रिय र सहयोगी भूमिका निभाएका थिए ।
नेपालको पर्यटन क्षेत्रको व्यापारमा राजपरिवार र घरानीयहरुको मात्र हात रहेको त्यस समयमा निजी क्षेत्रबाट पर्यटन व्यवसाय गर्ने चुनौती उनले लिएका थिए ।
उनी नेपालको पर्यटनीय क्षेत्र सम्बन्धित परिकल्पनालाई व्यवहारमा कार्यन्वयन गर्न सक्ने विश्वसनीय व्यक्तिका रुपमा परिचित छन् उनले सन् १९६८ मा सरकारी पेशाबाट अवकाश लिएपछि पूर्ण रुपमा पर्यटनीय क्षेत्रम लागेका थिए।
उनका दुई छोरा होटल क्षेत्रमै क्रियाशील छन्।
