नेपाल एसोसिएसन अफ र्याफ्टिङ एजेन्सिज (नारा) को आयोजनामा आइतबारबाट सुरु भएको २० औं अन्तर्राष्ट्रिय जल खेलकुद प्रतियोगितामा पहिलो दिन कायक स्प्रिन्टमा प्रतिस्पर्धा भएको छ ।
प्रतिस्पर्धामा नेपालसहित जापान, भारत, फ्रान्सलगायतका देशका ३३ जना प्रतियोगी सहभागी भएका छन् । आजको खेल त्रिशुली नदीको फिस्लिङमा गरिएको नाराका उपाध्यक्ष शिशिर खनालले जानकारी दिए ।
प्रतियोगितामा निर्णायकले दिने प्वाइन्टको आधारमा अन्तिम दिनमा उत्कृष्ट प्रतिस्पर्धी छनोट गरेर नतिजा सार्वजनिक गरिने खनालले बताए ।
प्रतियाेगितामा ४ खेल समावेश गरिएकाे छ ।
प्रतियोगिताअन्तर्गत सोमबार कायक बोटर क्रसेस र अन्तिम दिन मंगलबार कायक डाउन रिभर रेस र र्याफ्टिङ डाउन रिभर रेसमा प्रतिस्पर्धा हुने नाराले जनाएको छ ।
नेपालमा यो प्रतियोगिता सन् २००२ देखि हुँदै आएको छ । यसले नेपालको साहसिक खेल पर्यटनको प्रवद्र्धनमा टेवा पुर्याउने र र्याफ्टिङ गाइड तथा जल खेलाडीहरुलाई थप दक्ष बनाउन सहयोग पुग्ने विश्वास नाराको छ ।
