बन्दीपुर गाउँपालिकामा पहिलो पटक धान दिवस भव्य रुपमा मनाइने भएको छ ।
आगामी १५ गते राष्ट्रिय धान दिवसको अवसर पारी बन्दीपुर गाउँपालिकाले पहिलो पटक धान दिवस मनाउन लागेको हो ।
‘कृषि प्रवद्र्धन गरौँ, खेतमै जाऔं, खेतमै रमाऔं’ भन्ने नारा सहित बन्दीपुर २ भुमर्सेमा कार्यक्रम गर्न लागिएको हो ।
बन्दीपुर पर्यटन विकास समिति, तनहुँ उद्योग वाणिज्य संघ, बन्दीपुर बजार इकाई समिति, क्षेत्रीय होटल संघ बन्दीपुर बजार इकाई समिति र रेवान, तनहुँको आयोजनामा धान दिवस मनाउन लागिएको हो ।
कार्यक्रमको संरक्षकमा बन्दीपुर गाउँपालिका रहेको छ । कार्यक्रममा डोरी तान्ने, माछा समात्ने, रोपाईं गर्ने तथा घैंटो फुटाउने कार्यक्रमहरू राखिएको बन्दीपुर पर्यटन विकास समितिले जनाएको छ ।
