सन् २००६ देखि हरेक नयाँ वर्षमा विशेष कार्यक्रम गर्दै आएको होटल बाराही पोखराले अंग्रेजी नयाँ वर्ष २०२४ को अवसरमा पनि कार्यक्रम आयोजना गर्दैछ ।
होटलले आइतबार राति भव्य कार्यक्रम गर्न लागेको हो । सो कार्यक्रममा विभिन्न ख्यातिप्राप्त गायक तथा अन्य कलाकारहरूको विशेष प्रस्तुति रहनेछ । विगतदेखि नै ख्यातिप्राप्त गायक तथा कलाकारहरूको प्रस्तुती ग्राहकहरूमाझ पस्कँदै आएको यस होटलले नयाँ वर्ष २०२४ को अवसरमा पनि यस्तो कार्यक्रम गर्न लागेको जनाएको छ ।
बाराही हस्पिटालिटीअन्तर्गत पोखराको लेकसाइडमा सञ्चालित यस होटलले आइतबार राति आयोजना गर्न लागेको यस कार्यक्रममा लाइभ म्युजिक ब्याण्डले विभिन्न संगीतहरूमा पाहुनाहरूलाई मनोरञ्जन दिनेछ । साथै विभिन्न परिकारहरूका साथमा नाचगानमा रमाउन सकिने होटलले जनाएको छ । यो कार्यक्रम नयाँ वर्षको उत्सावमात्र नभएर भव्य गाला समेत हुने होटलले जनाएको छ । कार्यक्रममा विभिन्न डिजेहरूको तालमा झुम्न सकिनेछ ।
असीमित खाजा, पेय पदार्थ तथा खानाका सेटहरूका साथ टेबलहरूमा सजावट गरिनेछ । होटलमा पुग्ने जो कोहीलाई विशेष वातावरण सिर्जना गरिने होटलले जनाएको छ । धेरै भन्दा धेरै पेय पदार्थ, खाजा तथा खानाको एकैपटक मज्जा लिनका लागि पनि जो कोहीलाई यो कार्यक्रम विशेष रहनेछ ।
होटलमा परिवार तथा आफ्ना बालबालिकाको साथमा रमाउन खोज्नेहरूका लागि विभिन्न रमाइला खेल तथा पुरस्कारहरू समेत व्यवस्था गरेको छ । परिवारका बालबालिकाहरू यस किसिमको खेलहरूमा रमाइलो गरेर पुरस्कारहरू जित्न सक्नेछन् ।
कार्यक्रममा अंग्रेजी नयाँ वर्ष २०२४ को भव्य स्वागत गर्दै केक काटिनेछ । सो समारोहमा पनि सहभागी हुन सकिने होटलले जनाएको छ ।
