नाडाको अध्यक्षमा प्रकाश कपुरीद्वारा उम्मेदवारी घोषणा


टुरिजम पाना संवाददाता काठमाडौं । १७ मंसिर २०८०

अटोमोबाइल व्यवसायी प्रकाश कपुरीले नाडा अटोमोबाइल एसोसिएसन अफ नेपालको अध्यक्षमा उम्मेदवारी घोषणा गरेका छन् । शनिबार उनले आफ्नो उम्मेदवारी सार्वजनिक गर्दै अध्यक्षमा सबैको साथ र सहयोग रहने अपेक्षा गरेका छन् ।

बिगत २५ वर्षदेखि अटोमोबाइल व्यवसायमा आबद्ध कपुरी एक दशकदेखि नाडा कार्यसमितिमा सक्रिय छन् । उनले नाडामा उपाध्यक्षसहित विभिन्न उपसमितिको संयोजक भएर काम गरिसकेका छन् ।

लामो समयसम्म नाडामा काम गरेको अनुभव बटुलिसकेका उनले अब नाडाको अध्यक्षमा व्यवसायी साथीहरुको साथ पाउनेमा विश्वस्त देखिन्छन ।

नाडाको ४७औं साधारणसभा तथा निर्वाचन पुस २० र २१ गते काठमाडौंमा हुँदैछ ।

१७ मंसिर २०८०