नेपाल पर्वतारोहण संघले हरेक वर्ष गर्दै आइरहेको पर्वतीय महोत्सव यस वर्ष ५ दिनसम्म सञ्चालन हुने भएको छ ।
आठौं संस्करणको उक्त महोत्सव मंसिर २२ गतेदेखि २६ गतेसम्म पोखरास्थित अन्तर्राष्ट्रिय पर्वतीय संग्रहालयमा हुनेछ । विगतका वर्षमा यो महोत्सव ३ दिनसम्म सञ्चालन हुँदै आएको थियो ।
यसवर्षको महोत्सवमा बर्डस कन्जरभेसनसँगको सहकार्यमा ‘मिसअन्डरस्टुड बर्डस’ नामक नाटक प्रदर्शन मुख्य आकर्षणको रुपमा रहनेछ ।
संयुक्त राष्ट्रसंघले डिसेम्बर ११ लाई अन्तर्राष्ट्रिय पर्वतीय दिवस मनाउँदै आएको छ । सोही दिन पारेर नेपाल पर्वतारोहण संघले ८ वर्षदेखि निरन्तर पर्वतीय महोत्सव गर्दै आएको हो ।
