पोखरामा दुर्घटनाग्रस्त यती एयरलाइन्सको विमानमा लोकगायिका निरा छन्त्याल पनि परेकी छिन् । विमानमा रहेका यात्रुकाे सूचीमा उनकाे नाम पनि रहेकाे छ ।
उनले शनिबार छन्त्याल भवन काठमाडौंमा गरेको रमाइलो पछि आज (आइतबार) का लागि पोखरामा रमाइलो गर्नुपर्छ भन्दै फेसबुकमा तस्बिर सार्वजनिक गरेकी थिइन् ।
सोही अनुरुप उनी बिहान पोखरा जानका लागि विमानस्थलबाट यति एयरको विमानबाट उडिन् । तर, उनी सवार विमान दुर्घटना भएकाे हाे ।
उनले विमान उड्नुअघि आज बिहान फेसबुकमा फोटो शेयर गर्दै माघे सक्रान्तिको शुभकामना दिएकी थिइन् । फेसबुककाे स्टाेरीमा समेत छन्त्यालले पाेखराकाे कार्यक्रममा आफू मुख्य आकर्षक रहेकाे तस्वीर समेत सेयर गरेकी थिइन् ।
