ट्रेकिङ एजेन्सिज एसोसिएसन अफ नेपाल (टान) को अध्यक्षमा सागर पाण्डे निर्वाचित भएका छन् । अध्यक्षका अर्का प्रत्याशी राजेन्द्र सापकोटालाई पराजित गर्दै पाण्डे निर्वाचित भएका हुन् । पाण्डेले ५८० मत पाउँदा सापकोटाले ४८० मत प्राप्त गरे ।
यस्तै महासचिवममा पाण्डे समूहकै सोनाम ग्यल्जेन शेर्पा ५ सय ५० मत सहित विजयी भएका छन् । उनले सापकोटा समूहका राजेन्द्र प्रसाद सुबेदीलाई पराजित गरेका हुन् ।
वरिष्ठ उपाध्यक्षमा पाण्डे समूहका चोलेन्द्र कार्कीलाई पराजित गर्दै कर्मा शेर्पा ५ सय ५८ मतका साथ विजयी भएका छन् ।
टानको प्रथम उपाध्यक्षमा सापकोटा समूहका विष्णुप्रसाद लम्साल ५ सय ३५ मत सहित विजयी हुँदा द्वितीय उपाध्यक्षमा सनम शेर्पा ५ सय ४४ मतसहित विजयी भएका छन् ।
त्यस्तै सचिव पदमा रिञ्जी जाङबु शेर्पा ५ सय ९१ मत सहित निर्वाचित हुँदा कोषाध्यक्षमा ५ सय ८३ मत सहित गौतम राज वाग्ले निर्वाचित भए । यस्तै सहकोषाध्यक्षमा लाक्पा तेम्बा शेर्पा निर्वाचित भए ।
सदस्यहरूमा पवित्रा तामाङ, अम्बिर बहादुर गुरुङ, विनोद तामाङ, होम बहादुर विश्वकर्मा, फुर्पु छिरिङ ल्होमी (भोटे), राजु गुरुङ, छाप्ते लामा, सागर राई, विकास गुरुङ, निर्वाचित भएका छन् ।
