सशस्त्र प्रहरी बलको जम्बो टोलीले द क्लिफ नेपालमा बञ्जी गरेका छन् ।
एसपी सुशील शाहीको नेतृत्वमा सशस्त्रका ६८ जनाले सोमबार बञ्जी गरेको क्लिफका अध्यक्ष राजु कार्कीले जानकारी दिए ।
सशस्त्रमा नयाँ प्रवेश गरेका असईहरूका लागि साहसिक खेलअन्तर्गत बञ्जी गराइएको हो ।
राजु कार्कीको परिकल्पना र नेतृत्वमा कालीगण्डकी नदीको खोँचमाथि पर्वत र बाग्लुङ बलेवा जोड्ने गरि बनाइएको द क्लिफमा विश्वकै दोस्रो अग्लो बन्जी जम्प सञ्चालनमा छ ।
पछिल्लो समय एडभेञ्चर हबको रुपमा बिकास हुँदै गएको द क्लिफमा साहसिक गतिविधि खेल्नका लागि देश विदेशबाट साहसिक पर्यटनका पारखी आउने गरेका छन् ।
यसअघि नेपाल प्रहरी तथा सशस्त्र प्रहरी बलका विभिन्न तालिम अन्तर्गत विभिन्न समूहले क्लिफमा बन्जी गरेको थियो ।
