बेलायतको परोपकारी संस्था द ह्वाइटली फण्ड फर नेचर (डब्लुएफएन) ले नेपालका राजु आचार्यलाई ह्वाइटली अवार्ड २०२४ मा सम्मानित गरेको छ। लन्डनमा बुधबार आयोजित कार्यक्रममा बेलायती राजकुमारीले उनलाई यो अवार्ड दिएकी हुन्।
उल्लु संरक्षण प्रयासमा बेवास्ता गरिएको पंक्षी हो। तर पारिस्थितिक सन्तुलन कायम राख्न यो चराको विशेष भूमिका हुन्छ र समाज र संस्कृतिसँग पनि जोडिएको हुन्छ ।
फ्रेन्ड्स अफ नेचरका संस्थापक र कार्यकारी निर्देशक आचार्यले शिकार, अवैध व्यापार, र बासस्थानको क्षतिबाट उल्लुको खतरालाई सम्बोधन गर्ने उल्लू संरक्षण कार्य योजना २०२० मा चलाउन महत्वपूर्ण भूमिका खेलेको संस्थाले जनाएको छ।
ह्वाइटली पुरस्कार कोषले पहलहरूलाई बढावा दिन मद्दत गर्नेछ। अवार्ड कार्यक्रमलाई युट्युबमा पनि प्रत्यक्ष प्रसारण गरिएको थियो ।
राजुको परियोजनाले १०० वटा संरक्षण शिविर बनाएर विद्यार्थी र जनतामा चेतना जगाउने लक्ष्य राखेको छ। धेरै पुराना रुख भएका क्षेत्रमा चराको बाहुल्यता उल्लेख्य रूपमा बढेको छ र आचार्यको टोलीले ५०० पुराना रुखको संरक्षण र अर्धशहरी क्षेत्रमा १०० वटा कृत्रिम गुँड जडान गरेर १२०० हेक्टरको उल्लु बासस्थानको पुनर्स्थापना गर्ने पनि लक्ष्य राखेको छ।
नेपालमा उल्लू अनुसन्धानको अग्रपंक्तिमा रहेको र उल्लुहरूको दुर्दशामा ध्यानाकर्षण गर्ने प्रयासका लागि स्थानीय रूपमा “उल्लु सर” भनेर चिनिने, आचार्यले प्रारम्भिक क्यारियर वैज्ञानिकहरूलाई आफ्नो मिशनमा सामेल गराउने आशा राख्छन्। हाप्सिलो नामक डिजिटल उल्लू न्यूजलेटरका सम्पादक राजुले एघार वर्षअघि नेपाल उल्लू महोत्सव स्थापना गरेका थिए।
बाघ र हिउँ चितुवाको तुलनामा उल्लुहरू कम प्राथमिकतामा परेको भएता पनि महोत्सवले यस क्षेत्रमा इको-पर्यटनलाई बढावा दिएको छ र देशको सबैभन्दा ठूलो संरक्षण घटनाहरू मध्ये एक भएको छ।
उमेश श्रेष्ठको सामाजिक सञ्जालबाट
https://www.facebook.com/mysansar/posts/10162038478035962?mibextid=QwDbR1
