ठमेलभित्र आज अर्थात (बिहीबार)सम्म ११२ वटा सीसीटीभी क्यामेरा जडान गरिने भएको छ । क्यामरा जडानसँगै ठमेल बजार चौबिसै घण्टा खुल्ला गर्ने तयारी पनि गरिएको छ ।
ठमेल पर्यटन विकास परिषद्का अध्यक्ष भविश्वर शर्माले ठमेलभित्र सबै ठाउँमा सीसीटीभी क्यामरा जडान गर्न तिब्रताका साथ काम भइरहेको बताए । ” ठेमलमा आउने पर्यटकहरुलाई २४ घण्टा नै सेवा सुबिधा प्रदान गर्ने उदेश्यका साथ तयारी थालेका हौं” उनले भने ।
ठमेलभित्र बेलुका ७ बजेदेखि बिहानको ७ बजेसम्म पहिला ‘फ्रि–भेहिकल जोन’ (गाडी निषेधित क्षेत्र) गरिने योजना समेत रहेको उनले सुनाए ।” त्यसपछि समय अवधि बढाउँदै लैजाने तयारी पनि भइरहेको छ साथै सडक बत्ति जडानको काम पनि भइरहेको छ” उनले थपे ।
