मणि मुकुन्देश्वरी पर्खाल (मिनी ग्रेटवाल)

English language

日本語 (Japanese)

한국어 (Korean)

lengua española (Spanish)

हिन्दी भाषा (Hindi)

langue française (French)

中文 (Chinese)

मगर समुदायका पाल्पाली राजा मणि मुकुन्दसेन निकै पराक्रमी थिए । राज्य विस्तारका क्रममा उनले बटौलीदेखि तनहुँसम्म आफ्नो राज्य फैलाएका थिए । त्यसैक्रममा उनले बन्दिपुर माथिको डाँडामा उनले आफ्नो किल्ला बनाएका थिए । पछि मुकुन्दसेन राजाको मृत्युपश्चात उनका छोराहरूले अंशबण्डा गरि राज्य लिए । जसअनुसार मुकुन्द सेनका जेठा छोरा भृङ्गी सेनले तनहुँ भनेर चिनिने अहिलेको बन्दिपुर र आसपासका राज्य लिए । त्यसपश्चात उनले बन्दिपुरको मुकुन्दसेनमा मुल दरबार बनाए ।

मुकुन्दश्वरी किल्ला भने अहिले भग्नावशेषको रुपमा देख्न सकिन्छ । सो गढीमा नवदुर्गाको समयमा फूलपातीकोे दिन राँगाको बली दिइन्छ र भिरबाट फालिन्छ । कोतको सम्झनामा यसो गरिँदै आइएको जानकारहरू बताउँछन् ।

पछिल्लो समय सो ठाउँलाई आधुनिक पर्यटकीय गन्तव्यको रुपमा परिचित गराउने गरि काम भइरहेको छ । बन्दिपुर गाउँपालिकाले सो ऐतिहासिक किल्लालाई पर्यटकीय गतिविधिसँग जोड्नका लागि नयाँ अवधारणा ल्यायो । गाउँपालिकाकै परिकल्पनामा मणि मुकुन्देश्वरी पर्खाल निर्माणाधिन छ । सो पर्खाल चीनको ग्रेटवाल जस्तै रहेको भन्दै त्यहाँ पुग्ने पर्यटकहरूले त्यसलाई मिनी ग्रेटवाल नाम दिएका छन् । जसअनुसार, सो स्थान अहिले मिनी ग्रेटवालको नामले पनि परिचित छ । थानीमाई मन्दिरबाट शुरू भएर यो मार्ग मुकुन्देश्वरी डाँडामा पुगेर टुंगिन्छ ।

सूर्योदय र सूर्यास्तको मनोरम दृष्यावलोकनका लागि यहाँ पुग्न पर्यटकहरू रुचाउने गरेका छन् । साथै, पर्यावरणका हिसाबले जंगली जनावर, मृग, चराचुरुङ्गीहरू देख्न सकिन्छ । सो पदमार्गमा च्युरीको रुख तथा मौसम अनुसार, विभिन्न रुख विरुवाहरूको फूलहरू टन्नै पाउन सकिन्छ । साथै पदमार्ग आसपासमा फागुन/चैतमा कोइरालको फूल पनि प्रशस्तै देख्न सकिन्छ । साथै इतिहास जान्न चाहनेहरूका लागि सो किल्ला अवलोकन निकै महत्वपूर्ण हुन्छ ।

कसरी पुग्ने ?
बन्दिपुर बजारको पश्चिमतर्फ रामकोट जाने बाटो हुँदै करिब दुई घण्टामा गढी पुगिन्छ । जंगलको बाटो भएकाले पथ प्रदर्शक वा त्यो ठाउँ बुझेको स्थानीय साथमा लिएर जाँदा सहज हुन्छ । बन्दिपुरमा बास बस्दै गर्दा एक दिने हाइकिङको रुपमा गढी पुगेर फर्कन उपयुक्त हुन्छ ।

गुगल नक्सा:

https://maps.app.goo.gl/1aHBeBdbVSsknEqJ9

फोटो ग्यालरी: